మ్యూజియంగా మారనున్న గాంధీజీ చదివిన స్కూల్

రాజ్‌కోట్

: ఎంతో కళాత్మకంగా, పటిష్ఠంగా చిత్రంలో కనిపిస్తున్న ఈ పురాతన భవనం భారత జాతి పిత మహాత్మాగాంధీ విద్యాభ్యాసం చేసిన పాఠశాల. అనేక మంది విద్యార్థులను ఉన్నతులుగా తీర్చిదిద్దిన ఈ స్కూల్ 164 ఏండ్ల తర్వాత మూతపడుతున్నది. దీనిని మ్యూజియంగా మార్చేందుకు గుజరాత్ సర్కార్ చర్యలు చేపడుతున్నది. గుజరాతీ మీడియంలో ప్రభుత్వ ఆధ్వర్యంలో ఈ బడి నడిచింది. తన 18వ ఏట గాంధీజీ 1887లో ఈ స్కూల్‌లో చదివారు. ఆంగ్లే యుల పాలనలో రాజ్‌కోట్‌లో 1875లో జునాగఢ్ నవాబు నిర్మించిన ఈ పాఠశాలను తొలుత అల్‌ఫ్రెడ్ హైస్కూల్‌గా పిలిచేవారు. అనంతరం మోహన్‌దాస్ గాంధీ హైస్కూల్‌గా పేరుగాంచింది. ఆ రోజుల్లో సౌరాష్ట్ర ప్రాంతంలో తొలి ఇంగ్లిష్ మీడియం పాఠశాల ఇదే కావడం విశేషం.